BE.308 Logu no.28
JUMOLO MA HUPUJI

Ayat 1
Jumolo ma hupuji Ho, O Tuhan Debatangku
Di ari na imbaru ro Paboa las rohangku

Ayat 2
Mangaramoti hosangkon Soadadong gogongku
Sonang do au saborngin on Binaen ni panjagamu.

Ayat 3
Ho do manongos jolma i Dilehon Ho ngolungku
Ho do mangudut hosangki Na borngin i, Tuhanku

Ayat 4
Hupuji hagogoonMi Dohot haburjuonmu
Dibaen dung sonang borngin i las ma nuaeng rohangku

Ayat 5
Antong pasonggop ma tu au PasupasuM Tuhanku
Sadari on urupi au Mambaen na pinatikMu.

Ayat 6
Pangolu au sadari on Ho do pangkirimanku
Padao ma jea i tongtong Sai sesa ma dosangku.

Ayat 7
Papos rohangku mida Ho Gok holong baen rohangku
Pistar ma au huhut gogo mambaen sibahenonku

Ayat 8
Sai luluanku na burju Di au harajaonMu
Porman nang tigor situtu Ma baen pangalahongku.

Ayat 9
Lao mangurupi dongan i Paringgas ma rohangku
Manaek pangabahanna i Las ma disi rohangku.

Ayat 10
Marroha na bonar ma au Tongtong di adopanMu
Marlasniroha ma au lao Dung ro panjouM Tuhanku.
